Anjuman E Sakina

KHAAK AUR KHUN ME ZEHRAA TERAA GHAR DUB GAYAA
KOI MAQTAL ME IDHAR KOI UDHAR DUB GAYAA

ZULMATE SHAB SE JO NIKLAA THAA SITAARE KI TARHAA
HAAYE WO HURRE JARI BAADE SAHER DUB GAYAA

WO JO TASWEERE HASAN THAA TERAA QAASIM FARWAA
PAARAA PAARAA WO TERAA LAKHTE JIGAR DUB GAYAA

JAB GIRE GODE SE ABBAAS TO BOLE SARWAR
THAA JO ZEHRAA KI DUAA KAA WO SAMAR DUB GAYAA

JISNE PIRI ME UTHAAYAA THAA JAWAAN KAA LAASHAA
APNE HI KHUN ME WO KHAAK BASAR DUB GAYAA

TEER ASGHAR KO LAGAA SHAAH PUKAARE ABBAAS
TASHNAA LAB THAA JO MERAA KHUN ME TAR DUB GAYAA

ASRE AASHUR THE SAJDE ME HUSAIN IBNE ALI
TEGH ZAALIM KI CHALI KHUN ME SAR DUB GAYAA

KASHTI-E DEEN JO SAAHIL SE LAGAA KAR KAAMIL
HAWZE KAUSAR PE WO UBHRAA WO IDHAR DUB GAYAA