Anjuman E Sakina

SITAM KI HOGAYI YE INTEHAA RASOOL KE BAAD
CHALI HAI MAANGNE HAQ FAATEMAA RASOOL KE BAAD

WO JURM KYAA THAA KE JIS PAR ALI KO GALIYON ME
RASAN SE BAANDH KE KHINCHAA GAYAA RASOOL KE BAAD

WO JAAKE SHEHR SE BAAHAR PIDAR KO ROTI RAHI
KISI NE GHAR ME NA RONE DIYAA RASOOL KE BAAD

RASOOL ZAADI KHADI KYUN RAHI SARE DARBAAR
YE KOUN TAKHT PE BAITHAA RAHAA RASOOL KE BAAD

KOI BATAAE HAME KYUN RASOOL KE GHAR SE
HAMESHAA RONE KI AAYI SADAA RASOOL KE BAAD

SHIKASTAA HO GAYAA KAISE BATOOL KAA PEHLU
BATAAWO ZULM YE KIS NE KIYAA RASOOL KE BAAD

SHAHEED HO GAYAA USKI HI ZARB SE MOHSIN
DARE BATOOL GIRAA YAA GAYAA RASOOL KE BAAD

JO CHEHRE AAYA-E TATHIR KI BANE TAFSEER
UNHE PHIRAAYAA GAYAA BE RIDAA RASOOL KE BAAD

ZAFAR NABI KE GARAANE PE DHAAKE ZULM-O SITAM
SAJAAYI JAANE LAGI KARBALAA RASOOL KE BAAD