Anjuman E Sakina

ABBAAS JALD AAWO, ABBAAS JALD AAWO
ZAINAB BULAA RAHI HAI ABBAAS JALD AAWO

SUNLO SADAA AI GHAZI ZAINAB BULAA RAHI HAI
ABBAAS JALD AAWO
AB QAID HO KE ZAINAB HAAE SHAAM JAA RAHI HAI
ABBAAS JALD AAWO

SHEH KI YATEEM BACHCHI KHAAMOSH HO GAYI HAI
YAA TASHNALAB SAKINAA BEHOSH HO GAYI HAI
GHAAZI TERI BHATIJI SADMEN UTHAA RAHI HAI

FURQAT KE ZAKHM DIL PAR KAB TAK SAHUN BATAA DE
MARHAM KE BADLE MUJHKO LAA KE BAS EK RIDAA DE
IS GHAM SE TERI ZAINAB HAI MARTI JAA RAHI HAI

JIN BIBIYON NE INKO SIKHLAAYI PARDAA DAARI
YASRAB ME JINKI KHAATIR LAATE THE TUM AMAARI
UN BIBYON KO UMMAT QAIDI BANAA RAHI HAI

TERE BAGHAIR KAISE TAI HOGI YE MASAAFAT
BAAZAAR SE GUZARNAA ZAINAB PE HAI QAYAAMAT
BAABAA KI SALTANAT BHI RAAHON ME AA RAHI HAI

DE KAR HAME AZIYYAT HAR DAM SATAA RAHE HAIN
BIMAAR KO SITAMGAR DURREN LAGAA RAHE HAIN
SINE SE SHAAHE DEEN KE AAWAAZ AA RAHI HAI

BEHAAL HAI SAKINAA HAI MUNTAZIR TUMHAARI
RORO KE MAR NA JAAE RAAHON ME GHAM KI MAARI
MAI BHI BULAA RAHI HUN WOH BHI BULAA RAHI HAI

ZAIGHAM HO NAASARI HO YAA MAZHAR AABDI HO
MUSHKIL GADI ME GHAAZI TUMNE BACHAAYAA SAB KO
JAB BHI PADI MUSIBAT YEHI DUAA RAHI HAI