HOGAYE BAAZU QALAM MASHK BACHAAYI NA GAYI
PYAAS SAQQAA SE SAKINAA KI BUJAAI NA GAYI
JAANE KYAA KEHGAYAA BHAAI SE ALAMDAARE JARI
LAASH ABBAAS KI SARWAR SE UTHAAI NA GAYI
LAASH ANDHERE ME SAKINAA KI THI MOHTAAJE KAFAN
SHAMMA TAK SHAAM KE ZINDAAN ME JALAAI NA GAYI
KARBALAA SSE HAI BOHOT DUR SAKINAA KAA MAZAAR
AAJ TAK BAAP SE BETI KI JUDAAI NA GAYI
LAASH-E-AKBAR PE YE LAILAA NE KAHAA RO RO KAR
HAAYE KISMAT TERI SHAADI BHI RACHAAI NA GAYI
KHATM HAI SAYYAD-E-SAJJAD PE YE TARZ-E-JAFAA
PHIR IMAAMAT KABHI KAANTON PE CHALAAI NA GAYI
BAAZUE SHAAH ME EK TEER THAA HAATH UTH NASAKE
LAASH ASGHAR KI KALEJE SE LAGAAI NA GAYI
RUKGAYAA TERAA QALAM HAATHON TAK AATE HI WAQAAR.
MUJSE ABBAAS KI TASWEER BANAAI NA GAYI
