HUSAIN TERE LAHU KI KHUSHBU FALAQ KE DAAMAN SE AARAHI HAI
YE KHUNE NAA HAQ CHHUPEGAA KYUn KAR JISE YE DUNIYAA CHHUPAA RAHI HAI
YE SABR TERAA TERI IBAADAT WO RAAHE HAQ ME TERI SHAHAADAT
TERI SADAAQAT KI DAASTAANE ZAMAANE BHAR KO SUNAA RAHI HAI
TAMAAM AALAM KO YE DIKHAAYAA KATAAKE GARDAN KO DEEn BACHAAYAA
MAGAR YE UMMAT ABHI BHI AALE NABI KO DEKHO SATAA RAHI HAI
GHAREEB MAULAA KI BEKASI PE GHAREEB MAULAA KI BEBASI PE
ABHI TALAK WO ZAMEENE KARBAL LAHU KE AANSU BAHAA RAHI HAI
JAWAAN BETE KI LAASH LENE CHALE HAIn MAQTAL KO SHAAHE WAALAA
MAGAR ZAEEFI QADAM QADAM PE UTHAA RAHI HAI BITHAA RAHI HAI
BAREHNAA SAR HAI ALI KI BETI MAGAR WOHI AZMATE MUHAMMAD
WO JISKI KHAATIR BHARAA HUWAA GHAR LUTAA KE KARBAL SE AARAHI HAI
