HAAE GHAAZI MERA HAAE GHAAZI MERA
KYA HUWA BAAWAFAA HAAE BHAAI MERA
KISKO AAWAAZ DUN AB MEIN PARDES MEIN
BAADE ABBAS KE BAIN ZAINAB KA THA
AAGAYI MASHK BHI KHUN ME DUBA ALAM
JISKO AANA THA WO HAI KAHAAN REHGAYA
AL-ATASH KI SADAAON SE HILTA HAI BAN
BE SAHAARON KA THA EK HI AASRAA
DEKH KAR JISKO ZINDA THE EHLE HARAM
JISKO KEHTE THE BAAZU SHAHE KARBALAA
SAR PE SHAAME GHAREEBAN KI HAI TEERGI
SHAAME GHURBAT MEIN KYUN BUJHGAYA WO DIYAA
JISKE GHAM MEIN QAMAR SHAAHKI JHUK GAYI
JISKE MARNE SE MEIN HOGAYI BE RIDAA
AB SAKINA KO MEIN KAISE SAMJHAAUNGI
LOUT KAR AB NA AAEGA TERA CHACHAA
KAISE "REHAAN" LIKHE WO RUDAADE GHAM
BINTE ZEHRA KE LAB PAR THI JAB YE SADAA
