CHAAND SUGHRAA NE MUHARRAM KAA JO DEKHAA HOGAA
EK LAMHAA WO QAYAAMAT KAA SAA GUZRAA HOGAA
CHAAND KO DEKH KE JAB HOGAYI AALAAM KI HAD
BHIGI PALKON SE GAYI HOGI NABI KI MARQAD
HAALE DIL ROZA-E AHMAD PE SUNAAYAA HOGAA
TANHAA DIN RAATEN KATEN TANHAA GUZARTI SHAAMEN
SOCHAA HOGAA YE KABHI AAJ BHARI DUNIYAA MEN
KOUN AB MERI TARHAA ITNAA AKELAA HOGAA
EK QAYAAMAT HAI JO HAR ROZ BAPAA HOTI HAI
ITNAA TANHAAI KE JINE KI SAZAA HOTI HAI
KAISE DUKHYAARI NE HAR LAMHAA GUZAARAA HOGAA
JAAGTE JAAGTE HAR RAAT GUZAR JAATI HAI
GHAM SALAASIL HO TO PHIR NIND KIDHAR AATI HAI
NAA JAANAA THAA KE YUN GUT GUT KE BHI JINAA HOGAA
KOUN DIL JOYI KARE KISKO BULAAE SUGHRAA
CHAYN MUMKIN HAI KE MARKAR BHI NA PAAYE SUGHRAA
AB TO MARKAR HI BHARE KUNBE KO RONAA HOGAA
AAKE AFSOS MUHARRAM KAA MAHINAA GUZRAA
REHGAYI GHAR KE ANDHERON ME TADAPTI SUGHRAA
NAASIR AB KOI SITAM IS SE BADAA KYA HOGAA
