AI KARBALAA AI KARBALAA Al KARBALAA
HOGAYAA PAAMAAL BHARAA GHAR MERAA
KARBOBALAA TU BATAA MUJHSE KHATAA KYAA HUWI
HAZRATE SHABBIR PE TEGHE SITAM CHAL GAYI
HOGAYI PARDES ME JOR-O JAFAA
AKBAR-O ABBAAS BHI MUJHSE JUDAA HO GAYE
AUNO MUHAMAMAD MERE DEEN PE FIDAA HO GAYE
ASGHARE BESHIR BHI MAARAA GAYAA
TUKDE BADAN HO GAYAA QAASIME NAUSHAAH KAA
KHUN KI MEHNDI RACHI KHAAK ME SEHRAA MILAA
LUTAA GAYAA HAAE BHARAA GHAR MERAA
KAISE WATAN JAAUNGI MERAA BARAADAR NAHIN
HAATH RASAN ME BANDHE SAR PE BHI CHAADAR NAHIN
JAATAA HAI ZINDAAN KI TARAF QAAFELAA
BAALI SAKINAA KE DUR SHIMRE LAEEN LE GAYAA
MASNADE AHMAD JALI BACHCHI KAA DAAMAN JALAA
JAKDAA HAI ZANJEER ME ZAINUL IBAA
KARBOBALAA HAM TERE DASHT ME MEHMAAN THE
TUJHKO PATAA HAI KE HAM WAARISE QUR'AAN THE
KAISAA KIYAA AJRE RISAALAT ADAA
DEEN HAM HI SE CHALAA RUH-E IBAADAT HAIN HAM
ITRATE HAIDAR HAIN HAM JAANE RISAALAT HAIN HAM
HAM SE HI QURAAN HUWAA LAB KUSHAA
BAAZU JUDAA HOGAYE MERE ALAMDAAR KE
SHEH KI KAMAR TOD DI TUNE USE MAAR KE
KISKO PUKAARUN KISE DUN SADAA
ASGHARE BESHIR KO PAANI NAHIN MIL SAKAA
TEERE SITAM MAAR KE ZAKHMI KIYAA THAA GALAA
ZULM KI HOTI HAI KOI INTEHAA
KARTI THI ZAINAB BUKAA DASHT ME RAIHAAN JAB
HAAE TADAP JAATAA THAA LAASHA-E ABBAAS TAB
AATI THI HAR LAASH SE PAIHAM SADAA
