MASNAD BHI JALI AAPKAA KHAIMAA BHI JALAA HAI
NAANAA TERI UMMAT NE SILAA KHUB DIYAA HAI
RASSI KE NISHAAN BAAZU PE DEKHO MERE NAANAA
UMMAT NE SULUK AAP KI YEH MUJHSE KIYAA HAI
AMMAA BHI SARHAANE THI ALI DEKH RAHE THE
SAJDE MEN MERE BHAAI KAA SAR KAAT LIYAA HAI
USS WAQT KAA AALAM TO ZARAA DEKH KE NAANAA
ASGHAR KAA LAHU BHAAI NE CHEHRE PE MALAA HAI
BACHCHON NE SAHAARAA MERE BHAAI KO DIYAA THAA
ISS TARHA SE LAASHAA ALI AKBAR KAA UTHAA HAI
NAANAA MERE ABBAS KAA DIL TUT GAYAA THAA
JAB MASHK CHHIDI TIRSE AUR PAANI BAHAA HAI
SOGHAAT MAI LAAI HUN ZARAA DEKHLO NAANAA
ASGHAR KAA YE KURTAA HAI JO SAB KHUN MEN BHARAA HAI
FIZZAA KO BACHAANE TO KHADE HO GAYE HABSHI
HAMDARDI MEN HAM LOGO KI KOI NA UTHAA HAI
ABBAS MERAA BHAAI BHI MAARAA GAYAA NAANAA
DARIYAA KI TARAAI PE MERAA SHER PADAA HAI
ABBAS KO ROROKE SADAA DETI THI NAANAA
KAANON SE LAHU BEHTAA HAI AUR KURTA PHATAA HAI
USS WAQT KAHAAN AAP THE BATLAAIYE NAANAA
JAB CHHINI GAYI CHAADARE AUR KHAIMAA JALAA HAI
