GHAMOn KI BHEER ME TANHAA JO SHAAHE WAALAA THAA
HAR EK SIMT FAZAAOn ME SHORE GIRYAA THAA
AJEEB DARD BHARAA FAATEMAA KAA NAUHAA THAA
MERE HUSAIN TUJHE MAA KAHAAn KAHAAn ROE
KALEJAA PAASH HUWAA HAI TERI MUSIBAT PAR
JIGAR SE HUK SI UTH-TI HAI TERI QISMAT PAR
MAI TUJH PE ASHQ BAHAAUn KE TERI GHURBAT PAR
JAHAAn ME SABRO TAHAMMUL KE PAALNE WAALE
HAR EK SHAHEED KO BARH KAR SAMBHAALNE WAALE
PISR KE SINE SE BARCHHI NIKAALNE WAALE
LAHU ME GHARQ TAMANNAA KE SURKH MANZAR PAR
GHAME FIRAAQE SAKINAA KE NANNE ASGHAR PAR
KARIBE MAYYATE GHAAZI KE LAASHE AKBAR PAR
UJAD GAYAA HAI MADINAA UDAAS HAI MAKKAA
SIYAAH POSH HUWAA HAI TERE LIYE KAABAA
LAHU SE SURKH HUWI HAI ZAMEENE KARBOBALAA
JO DO PEHER ME LUTAA HAI WOHI CHAMAN TU HAI
SULAGTI RET HAI MAQTAL KI GULBADAN TU HAI
AUR USPE YE HAI QAYAAMAT KE BE KAFAN TU HAI
AJEEB DARD HAI PINHAA TERE FASAANE ME
HUWAA NA TUJHSAA GHARIBUL WATAN ZAMAANE ME
MAI QATLAGAAH ME ROWUn KE QAIDKHAANE ME
LAGI HAI AAG KALEJE ME UTH RAHAA HAI DHUAAn
BATAAWO RUHE PAYAMBAR BATAAWO AI MERI JAAn
HUSAIN TUMSE AB INSAAF CHAAHTI HAI YE MAA
HILAAL JISKAA GALAA MUSTAFAA NE CHUMAA THAA
WO JISKO MAA NE BADI MEHNATOn SE PAALAA THAA
USI KI LAASH PE ZEHRAA KAA RAN ME NAUHAA THAA
