ZAINAB KE DONO LAAL JO SHEH PAR FIDA HUWE
ISS KAMSINI MEN CHALBASE MAA SE JUDAA HUWE
BINTE BATUL KEHTI THI THAAME DILO JIGAR
DO PHUL ISS CHAMAN MEN THE YAARAB WOH KYA HUWE
KHAIME MEN LAAE DONO KI LAASHE YE KEHTE SHAH
ZAINAB TUMHAARE LAAL BHI HUM PAR FIDA HUWE
SHEH BOLE AI BAHAN TERI GHURBAT KE MAI NISAR
MAIDAN MEN HAAE QATL TERE LAADLE HUWE
ZAINAB TUMHAARI KOI NA BAR AAYI AARZOO
DULHA NA BAN NE PAAE KE TUM SE JUDAA HUWE
BETON KI LAASH PAR YEHI ZAINAB KE THE KALAAM
AB TUM SE KHUSH JANAABE RASULE KHUDA HUWE
HAI HAI JAWAAN BHI HONE NA PAAE KE CHALBASE
KIS BEKASI SE QATL MERE DILRUBA HUWE
ZAINAB BALAAEN LAASHON KI LE LE KE KEHTI THI
MAI KHUSH HUN TUM JO MAAMU PE APNE FIDA HUWE
KYUN KAR RAZI NA BEKASIE SHEH PE KHUN HO DILO
BACHCHE TALAK HUSSAIN PE RAN MEN FIDA HUWE
